භාෂාවේ ආරම්භය සිදුවුනේ ශ්‍රම ක්‍රියාදාමයේ ප්‍රතිඵලයක් විදිහට කිව්වොත් ඔයගොල්ලෝ එකඟ වෙනවාද?මානවයා මිනිසෙකු ලෙස පරිවර්තනය වෙමින් සිටි අවධියේදී එකිනෙකා අමතා ගැනීමේ අවශ්‍යතාවයක් ඇතිවුනා. ඒ වෙනකොට ශ්‍රමය මූලික කරගත් සංස්කෘතික ඉපැයීමේ ජීවන තත්ත්වයේ ප්‍රාථමික අවධියන් මිනිසා තුළ ඇතිවුනා.පොඩ්ඩක් හිතන්න වානරයාගේ මොලය මිනිසාගේ මොලය දක්වා පරිණාමය වෙන අවධියේදී ඒ විදිහට පරිණාමය වෙන්න බලපවත්වපු මූලික ම හේතුව මොකක් වෙන්න ඇත්ද?සමාජ සම්බන්ධතා සංකීර්ණ ්‍වීම තුළින් මිනිසා තුළ සංස්කෘතික වපසරිය එන්න එන්නම වැඩිදියුණු වුනා.මේ නිසාම වානරයාගේ මොළයට වඩා මිනිසාගේ මොළය දියුණුවුනා කියලා අමුතුවෙන් කියන්න ඕන නැනේ.මේ හින්දාම මොළයේ වර්ධනයත් එක්ක මිනිසාගේ සංවේදීතාව දියුණුවුනා.මෙන්න මෙතන්ට තමයි මට එන්න ඕනකම තිබුණේ.සන්නිවේදනයේ ක්‍රමාණුකූල වර්ධනයත් එක්ක එයට අනුරූපව මිනිසාගේ අක්ෂි ඉන්ද්‍රිය වර්ධනය විය.. ෆෙඩ්රික් ඒංගල්ස්ගෙන්ම උදාහරණයක් කියනවා නම් රාජාලියාට මිනිසාට වඩා දුර පෙනුනත් රාජාලි ඇසට වඩා මිනිස් ඇස බොහෝ දේ වෙන්කරලා හදුනාගන්නවා.ඒ කියන්නේ මිනිසාගේ අක්ෂි ඉන්ද්‍රිය සංවේදිතාවෙන් යුත්‍ තීෂණ ඉන්ද්‍රියක් බවට පත්විය.මේ නිසා අවට සත්තාවෙන් මිනිස් මොළයට දැනෙන සංවේදනා ඉතාමත් නිවැරදි සහ ක්‍රමාණුකූල සංවේදනා බවට පත්විය.මේ නිසා ඇස කන නාසය දිව ශරීරය යන පංචේන්ද්‍රියන්ගේන් ලබාගන්නා සංවේදනා තුළ මිනිසා උසස් නිර්මාණ බිහිකිරීමට සමත්විය.ඇස තුළින් ලබාගන්නා සංවේදනා යම්කිසි නියති ධර්මතාවයකට අනුව මිනිස් මොළය තුළ රූපමය සංවේදනා තැම්පත්වීමක් සිදුවිය.රූපය යැයි පසුකාලීනව දැනුම් පද්දතියක් විසින් අනුමත කොට අපගේ පූර්වජයන් විසින් අපිට හදුන්වාදෙන ලද්දේ මේ දෘශ්‍යමය සංවේදනායි.රූපය රූපයක් ලෙස අපගේ සංස්කෘතික මතකයට එක්වුනේ මේ විදිහටයි.
මං මේ මැරීගෙන රූපය ගැන ලියන්නෙත් සම්මත කරගත්ත දැනුම් පද්දතියක් නිසයි. ඉතිං මේ රූපය කේන්ද්‍රකරගත් මිනිස් නිර්මාණශීලීත්වය දෘශ්‍යමය කලාවන් ඔස්සේ වැඩිදියුණු වුනා.භාෂාව තුළ රූපය අර්තගැන්වෙන්නේ සම්භාව්‍ය දැනුමට අනුවයි.හැබැයි මේ සම්භාව්‍ය දැනුම දේවභාෂිත නම් නෑ.මොකද රූපය මෙන්න මේ විදිහට තියෙන්න ඕන සිනමාවේදී රූපය මේ ආකාරයෙන් භාවිතාවිය යුතුය මේ ආකාරයෙන් ඊට අර්ථ සැපයිලා තියන නිසා මෙහෙම කරොත් වැරදිය කරන්න ඕන මේ විදිහටය කියන ප්‍රශ්ණ ටික අපේ ඔලුවට දාගත්තොත් නං කවදාවත් නිර්මාණශීලී සිනමාකෘතියක් කිසිකෙනෙක් අතින් බිහිවෙන්නේ නැ. මං මේ උත්සහ තරන්නේ මූලිකවම සිනමාකෘතියක දීලා තියෙන සිව්කොන මායිම් වු රූපයක් තුළ ඇති අර්ථසංඥා විසද ගන්න පහසුවන දැනුම්පද්දතියක් පිළිබද මුලික ඇගවිමක් කරන්නයි.අද රූපය රූපයක් වුනේ කොහොමද කියලා කතාකරානේ තවත් දවසක රූපය අපගේ මනසට පැමිණෙන අවට ලෝකයේ සීමාවන් පිළිබදවත් එකී සීමාවන්ගෙන් රූපරාමුව අර්ථගැන්වෙන ආතාරය පිළිබදවත් කතාකරමු
Posts
